Munurinn á "introvert" og "extrovert" frambjóðendum

Ég er dálítið gefinn fyrir að pæla í ýmsum hlutum. Tildæmis eins og hver sé eiginlega munurinn á þessu tvennu varðandi frambjóðendur á stjórnlagaþingið?

Sjálfur tel ég mig til "Introvert" persónu, frekar heldur en að vera mjög áberandi í umræðunni á stórum fundum og elska að vera mikið í kringum annað fólk. Þannig á ég það ekki til að standa upp á fundum og vera með mikla framsögu eða spurningar sem "Extrovert" persónur gera. En svoleiðis persónur leitast eftir að vera áberandi og tala þegar að færi gefst. Hugmyndir "Extrovert" persóna koma því upp rétt áður en þær eru bornar fram. Sem þó stundum getur leitt til þess að sumar hugmyndir þeirra séu á einhvern hátt vitlausar. En sem þeim er sama um því þau halda bara áfram með það í huga að þeirra hugmyndir gætu verið að meirihluta réttar og frambærilegar. Það sé allt í lagi að ein og ein hugmynd sé röng eða viltaus.

"Introvert" persóna hugsar best og fær flestar hugmyndirnar í góðu tómi einsamalt, fyrir framan tölvuna, í sófanum heima, eða þegar það er lagst upp í rúm fyrir svefninn. Þannig mætir "introvert" persóna á stóra fundi til að hlusta og punkta niður. Nota svo punktana við hugmyndakveikju þegar að heim er komið. En hegðunarmynstur "Introvert" persónu á stórum fundum getur oft lýst sér í því  að þær láti í ljós miklar tilfynningar sem sjást. Þannig er oft áberandi ef svoleiðis persóna er ósammála þeim sem mælir. Þær hlægja, hrista hausinn eða tjá sig áberandi með líkamanum. 

Þannig persóna er ég. Ég á þetta til á svona stórum hópfundum. Að láta svona í ljósi skoðanir mínar með líkamstjáningu frekar en að standa upp og tala og spyrja. Hinsvegar eru smærri fundirnir þar sem spjallað er saman yfir litlu hringborði minn staður því þar á ég auðveldra með að tjá mig og koma með hugmyndir. Sem helgast til að ég er fljótur að hugsa þó ég noti þær hugsanir ekki á stóru fundunum þar sem ræður eru haldnar og spurningar á eftir.

Flest allar mínar hugmyndir koma fram í rúminu og yfir tölvunni. Þarf ég þannig að hafa glósubókina á náttborðinu til að vera undirbúinn.

 <Definition of introvert>

<Definition of extrovert>

Athugasemdir

[Halldór Benediktsson, 4.11.2010 kl. 13:34]

Vel ígrunduð hugmynd getur alveg verið röng og hugmynd sem verður til á staðnum getur verið besta hugmynd í heimi, það sem skiptir máli er hvort hugmyndin standist prófanir.

Fólk sem stendur upp á fjölmennum fundi getur alveg verið að tjá vel ígrundaða hugmynd, en eins og ég sagði, hugmyndin þarf ekkert að vera betri en einhver önnur þó það liggi mikil hugsun á bakvið, gæðin (í hugsun) skipta meira máli en magnið.

Auðvitað eru meiri líkur á að vel ígrunduð hugmynd sé betri en sú sem verður til á staðnum en það er ekki einhlítt.

Mér finnst þessi skipting þín ekki gagnleg, þó hún sé sniðug.

[Guðni Karl Harðarson, 4.11.2010 kl. 13:43]

Þannig væri best fyrir mig ef ég fengi að koma með Svefnbekkinn með mér á fundina

[Guðni Karl Harðarson, 4.11.2010 kl. 13:51]

Vel ígrunduð hugmynd getur alveg verið röng og hugmynd sem verður til á staðnum getur verið besta hugmynd í heimi, það sem skiptir máli er hvort hugmyndin standist prófanir.

Að sjálfsögðu! en ég er hinsvegar að benda á það að hugmyndir sem verða til á staðnum að það gerist oftar að þær standist ekki prófanir. Síðan getur það stundum komið fyrir að fólk verði misskilið.

Fólk sem stendur upp á fjölmennum fundi getur alveg verið að tjá vel ígrundaða hugmynd, en eins og ég sagði, hugmyndin þarf ekkert að vera betri en einhver önnur þó það liggi mikil hugsun á bakvið, gæðin (í hugsun) skipta meira máli en magnið.

Hugmyndir sem koma fram í góðu tómi hafa meiri tíma til lausna og skoðunar hvort þær geti verið réttar.

Gagnleg eða ekki gagnleg? Ég er m.a. að benda á þennan mun sem frambjóðendur geta haft. Að sumir  þeirra sem hafa sig ekki í frammi geti þannig verið "Introvert"

 Ég er síðan að benda á það hvernig frambjóðandi ég er en þó það sé ekki einhlítt í öllum málum.

[Guðni Karl Harðarson, 4.11.2010 kl. 13:55]

Ég er líka að benda fólki á að svona munur geti verið. Því eigi fólk ekki að fara eftir því endilega bara þeim sem hafi sig mikið í frammi.

Að því leiti er þetta gagnlegt hjá mér.

[Guðni Karl Harðarson, 5.11.2010 kl. 19:01]

Ég vil líka taka það fram að ég er alls ekki að setja út á neinn sem er "extrovert"! Margar fínar hugmyndir og spurningar sem þeir bera upp á fundum.