Eitt kjördæmi fyrir allt landið?????

Nú hafa almennar kröfur verið á þann veg að jafna vægi atkvæða yfir allt landið. Eru margir á þeirri skoðun að það besta sem við gætum gert sé að gera Ísland að einu kjördæmi. Við það muni þessi jöfnun nást.

En er það rétt? Að sumu leiti því að þá getum við kosið okkur þingmann sem vinnur fyrir allt landið. Að allir þingmenn bjóði sig fram fyrir allt landið? Að ég sem kjósandi geti kosið hvaða mann sem er í framboði, sama hvaðan hann er.

Þegar að taka á svona stóra ákvörðun þarf að vega það vel og meta vandlega meðrökin og mótrökin fyrir því að breyta landinu í eitt kjördæmi.

En skoðum  málið nánar. Langar mig til að spyrja nokkurra spurninga varðandi þetta mál og biðja lesendur að velta þeim vel fyrir sér.

1. Munum við sem kjósendur ekki áfram velja okkur helst þá sem bjóða sig fram á því heimasvæði sem við sjálf búum á?

2. Munum við þá ekki reka okkur á þegar að við opnum kjörkassana að kjörnir þingmenn verði fleiri frá einu landsvæði en öðru? Kannski flestir úr Reykjavík eða Akureyri?

3. Munu flokkanir ekki geta hrókerað mönnum á þann hátt að einhverjir frambjóðendur þeirra nái inn á öðru svæði frekar en hinu? Þar að segja þeir flytji þá til þar sem þeir eiga mesta möguleika? Er ég þá meðal annars að tala um atkvæðafjölda svæðisins þegar að það er tekið og skoðað.

4. En skipta þessi atriði einhverju máli því við erum að velja okkur þingmenn sem eru að vinna fyrir allt landið?

5. Munu kosnir þingmenn ekki geta flutt sig um set eftir ca. tvö ár þangað sem þeir telja að einhver ákveðinn landshluti fái inn fleiri þingmenn? Þannig að þeir eigi þá meiri möguleika næst að komast inn?

6. Eða vinna þingmenn sem eru kosnir og eru frá einhverju tilteknu svæði fyrir allt landið í reynd.

Ég fyrir mitt leyti ætla sjálfur að svara þessum spurningum eins og ég sé þetta fyrir mér.

1. Það er mjög líklegt að við munum velja okkur þá menn á þing sem við kannski þekkjum mest og hafa átt heima á svæðinu.

2.  Segir sig sjálft því við hljótum alltaf að athuga hvaðan þingmenn koma þó þeir séu kosnir af landinu og fyrir allt landið.

3.  Augljóslega því þeir sem átta sig munu gera allt til að koma sýnum mönnum inn. Jafnvel með því að færa þá til. 

Þannig séð geta möguleikar af sp. 2 og 3 farið báðar saman (Kaos). Möguleikarnir er fyrir hendi.

4. Þó allir þingmenn séu kosnir af öllu landinu fyrir allt landið þá leiðast þeir alltaf til að koma að málefnum frá því landsvæði sem þeir eru frá. Er það bæði til að eiga betri möguleika á að vera kosnir aftur sem og að einhverjir sem þingmaður þekkir af svæðinu, hefur samband við þingmanninn til að athuga hvort hann vilji bera mál upp.

5. Augljóslega væri möguleiki á því til að geta átt meiri möguleika á að komast inn á því svæði þar sem fleiri hafa valið og kosið þingmenn inn. Sem og aðrar aðstæður sem gefur þingmanni aukinn kost á að komast inn.

6.  Þeir munu jú vinna fyrir allt landið en þeir munu líka leitast eftir því að vinna að málum fyrir sitt svæði.

Til að auðvelda fólki að sjá hvaða mál eru tekin fyrir sem koma af svæðum landsins inn á alþingi er hér smá listi til hliðsjónar:

Hægt er að segja að þau mál sem ráðherrar ríkistjórnar eru settir í séu þau mál. Til dæmis samgöngumál af svæðinu, Menntamál af svæðinu, Dómsmál og svo framvegis.

Ég ætla að biðja fólk að vega þetta vel og meta áður en að það ákveður að styðja við eitt kjördæmi yfir allt landið!

Sjáið það fyrir ykkur tildæmis með Ísland sem eitt kjördæmi að þingmenn fari enn frekar að rífast um hvaða mál eigi að taka fyrir alþingi af samgöngumálum tildæmis. 

En eru aðrir möguleikar í boði?

Vissulega þarf að skoða þessi mál vandlega og þurfa stjórnlagaþingmenn að vega þetta mál og meta hvað sé réttlátast.

Sjálfur hef ég verið á þeirri skoðun að skipta Íslandi niður í 5 svæði þar sem hvert svæði fyrir sitt hefur eigin ákvörðunarrétt svæðisins. Með: 1. málefnum sveitarstjórna (svæða) 2. málefnum svæðisþings sem hefur nokkurn ákvörðunarrétt. Og síðan en ekki sýst aðalþing yfir allt landið.

Þeir sem væru kosnir fengju þannig að ganga í gegnum allt ferlið og þannig kosnir í sveitarstjórn, færu síðan eftir ákveðinn tíma á svæðisþing og enda á síðustunni á aðalþingi. 

En inni í þeim pakka er ekki bara gert ráð fyrir skiptingu í kjördæmi heldur helst allt í hendur eins og uppbygging svæðisins, fjármálastjórn, velferð íbúana, eigin svæðiskróna og svo framvegis.

Þó ég búist ekki endilega við að fullt af fólki fari að styðja við þessar hugmyndir mínar þá vonast ég samt eftir því að það athugi málin vandlega og noti skynsemi sína í vali sínu á svona mikilvægu málefni.