Almenningur fái ráðið um Þingvelli!

Af Vísi.is:

Almenningur verður kallaður til ráðgjafar um hvaða starfsemi eigi að fara fram á Þingvöllum en í dag er eitt ár liðið frá því hótel Valhöll brann þar til kaldra kola. Þjóðgarðsvörður segir þingvallanefnd vera að skoða allt skipulag þjóðgarðsins.

http://visir.is/almenningur-faer-ordid-um-framtid-thingvalla/article/2010934385165

 Frábært væri ef almenningur fengi ráðið um hvað verði um Þingvelli! En ég legg til að það verði rætt á þjóðfundi sem verður í September. En í dag er jú ár síðan Valhöll brann, sama dag og ríkistjórnin hóf viðræður um ESB á Alþingi.

Hvernig væri annars að halda þennan þjóðfund í September á Þingvöllum? Væri það kannski hægt í stórum tjöldum?

Annars vita flestir hvaða áhuga ég hef að verði á Þingvöllum, sem er jú eins og við vitum helgasti staður íslendinga.

Ég vil auðvitað virkja þennan helga stað þannig að þjóðin geti komið þangað saman í stórar hátíðir, eins og stóra þjóðhátíð svo dæmi sé tekið. 

Ég hef líka áhuga á að þar verði nýtt Alþingi, með nýju stjórnfyrirkomulagi almennings í stað flokka!

 

Athugasemdir

[Gunnar Heiðarsson, 11.7.2010 kl. 10:11]

Er nokkuð sem kallar á ákvörðun um uppbyggingu a Þingvöllum, nema skannski að ákveða að gera ekkert að sinni.

Það er held ég best að bíða með allar ákvarðanir, sjá hvernig við komums út úr þeim hremmingum sem við erum í núna.

[Guðni Karl Harðarson, 11.7.2010 kl. 14:36]

Gunnar, þakka þér innlitið Það er áhugavert að sjá að þingvallanefnd hafi áhuga á að leyfa almenningi á Íslandi að hafa sitt að segja hvað verði gert við Þingvelli.

Ég er alveg sammála þér að það þarf að bíða aðeins með að taka ákvarðanir um þetta. En, það þarf að setja þetta smám saman í gang og meðal annars athuga hvernig best sé að fólk fái að ræða um þetta. Eins og tildæmis að kjósa um það eða ræða um það á sérstökum fundi.

Hinsvegar, ef bíða á eftir að losna út úr öllum hremmingum landsins þá þurfum við lengi að bíða. Því þarf að ganga í þetta mál amk. á þessu ári.