Nú er tækifærið!!!!!

Það er fullt af nýjum framboðum út um allt land í bæjar og sveitarstjórnar kosningunum. Nefna má Flokk fólksins á Akureyri sem og Besta flokkinn í Reykjavík.

Öll þessi nýju framboð sem fram eru komin munu fá stuðning af fólkinu í landinu sem er óánægt með fjórflokkinn. Sum eru að fá mikið fylgi í skoðanakönnunum.

ÞAÐ BYRJAR Í BÆJAR OG SVEITARSTJÓRNAR KOSNINGUM!

Það er svolítið sérstakt að segja það en eftir að þessi skýrsla, þið vitið kom út þá er fullt af fólki að taka ákvarðanir hvert það veitir stuðning sinn í kosningunum. Annaðhvort að kjósa ekki, eða að velja nýtt framboð utan gömlu fjórflokkana.

Aldrei hefur verið eins mikið tækifæri að losna við fjórflokkinn. Er það vegna þess hvað þessi nýju framboð eru mörg og hversu mikinn stuðning þau fá af óánægðum almenningi. En óánægjuraddir um allt land ættu að sameinast um breytingar fyrir nýtt Ísland!

Nú þurfa þessi framboð að taka sig saman og vinna að alvöru breytingum fyrir Ísland. Að vinna í samvinnu við að losna við fjórflokkana! Því þurfa þau að starfa saman að sérstakri hugmyndavinnu þar að.

Koma svo! Breytum Íslandi saman því aldrei hefur verið meira tækifæri til þess!