Ja hérna;

Sérkennilegt orðalag á niðurlagi fréttar:

>Einnig er þess vænst að öskufallið leiti yfir flugsvæðið yfir Bretlandi, Belgíu og Hollandi.  

Vegir drottins eru órannsakanlegir. Þarf hann endilega að láta refsivönd sinn ganga jafnt yfir alla í þessum löndum? Kemur öskufall frá Íslandi í veg fyrir að íslendingar komist út til að ræða um Icesave? Hver veit? Það má nú samt alveg sleppa Belgíu.

Ég hélt að orðið vænst merkti að vonast eftir? Eða er mig að mismynna?

Hefði í staðinn ekki mátt skrifa: búist er við að? Eða einhvern veginn þannig...........

Hvað er blaðamaður mbl. eiginlega að gefa í skyn?

Ég var nú meira bara að skrifa til gamans og benda í leiðinni á eftirfarandi:

 

 ****************************************

skoðið eina flottustu? heimavefsíðu á Íslandi í dag:

http://wix.com/okkarisland/okkarisland/

****************************************

Stöðvi flugumferð yfir allri V-Evrópu

Athugasemdir

[Jens Guð, 15.4.2010 kl. 00:25]

  Vænst hefur víðtækari merkingu en að vonast eftir.  Það er einnig notað á sama hátt og danska orðið vente.  Algengt rótgróið orðatiltæki er að menn segjast ekki eiga von á góðu.

  Orðalagið í umræddri frétt er málfræðilega rétt.  Gott er líka að muna að minni er skrifað með einföldu i.  Nema ef verið er að vísa til landslags (fjarðarmynni,  lækjarmynni...).  Í því tilfelli er mynni dregið af orðinu munnur. 

[Guðni Karl Harðarson, 15.4.2010 kl. 00:50]

Jens minn þakka þér fyrir leiðréttinguna. Var ekki viss með þetta og ég viðurkenni fáfræði mína með roða í vöngum Nennti ekki að gá í orðabókina.

Það mátti þó lesa þetta frekar sérkennilega orðaval á setningu eins og ég gerði. Og það mátti líka nota betra og heppilegra orðalag eins og ég nefndi: búist er við, tildæmis.

Stafsetninga leiðréttingin var þó óþarfi en ég veit að einn versti málfræðigalli minn hefur verið það ég man ekki hvort að það á að vera y eða i í sumum orðum.

Ekki oft sem þú kemur hérna inn

[Guðni Karl Harðarson, 16.4.2010 kl. 10:20]

Ég er mannlegur og get gert mistök þó smávægileg séu. Þetta með y eða i kemur bara stundum fyrir og þá aðallega í lítið notuðum orðum.

[Guðni Karl Harðarson, 18.4.2010 kl. 01:36]

Ég vil bæta hérna við að ágætur maður sagði mér frá þætti á Ruv núna í vikunni sem var að líða, þar sem talað var um að merking orðsins að vænta einhvers sé vanalega notað í góðri merkingu en ekki slæmri.

Tildæmis> Ég vænti þess að þú standir þig vel.

Ég vænti alls góðs af þér, osfrv...........

Passar það því að skrifa?: Ég vænti þess að þú standir þig illa?