Eru íslensk stjórnvöld orðin snarbrjáluð?

Mér er bara spurn! Eða er þetta Icesave mál allt bara hreint plott peningaaflanna? Hvað er verið að undirbúa? Og búið að setja upp óeirðagirðingu kringum Alþingishúsið?

Hvað er í gangi? 

Á forsíðu Fréttablaðsins í dag er grein um Icesave þar sem segir: 

"Formlegar viðræðu hefjast eftir helgina. "

"Samkvæmt heimildum Fréttablaðsins viðurkennir Ísland greiðsluskyldu lágmarksfjárhæðar innistæðutryggingakerfis EES en hún nemur rúmlega 20 þúsund evrum á reikning".

Á að þvinga þetta yfir okkur almenning í landinu hvað sem það kostar? Sama þó mikill meirihluti fólks sé á móti núverandi lögum?

Hvað með þjóðaratkvæðagreiðsluna?

Förum yfir málin:

Ef íslendingar

1. fara í viðræður upp á nýtt (án þjóðaratkv.gr)

2. nýr samningur verður til

3. sá samningur ræddur á alþingi í tvo mánuði þangað til að ný lög verða til

4. nýju lögin fara til Forseta

5. yfir 100.000 íslendingar mæt þá við Bessastaði til að mótmæla.

Hvað gerist þá ef Forseti samþykkir nýju samningana? Bylting?

Hefur þetta lið þarna á þingi hugsað þessi mál öll til enda? Í alvöru talað! Þetta býður upp á það að nú láti fólk verða af því að framkvæma Byltingu. Þá duga ekki óeirðagirðingar við Alþingishúsið!

Er ríkisstjórnin tilbúin að takast á við það að blóðug átök fari af stað? Eru þau sátt við að hafa slíkt á samviskunni?

Ég sé fyrir mér algjöra endurnýjun á öllu ferlinu ef þau ætla sér fyrir alvöru að neita fólki um þjóðaratkvæðagreiðsluna! Og nú hafa þau eins hljótt og þau geta um það mál...........

Vitið þið hvað þið eruð að fara að setja í gang?

 

 

Ósamið um öll lykilatriði

Athugasemdir

[Magnús Sigurðsson, 11.2.2010 kl. 10:10]

Elítan á Íslandi, virðist ætla að leggja allt í sölurnar til að troða ábyrgð gjaldþrota einkafyrirtækis upp á þjóðina án þess að þjóðin hafi nokkuð um það að segja.

Alþingi og icesave-sinnar virðast ekki hafa áttað sig á því,  að vanahæfa ríkisstjórnin var ekki hrakin frá völdum til þess að hægt upp þráðinn þar sem frá var horfið. 

Það að skella skuldum gjaldþrota einkabanka á almenning fyrir 1,1% lægri vextir en vanhæfa ríkisstjórnin hugðist gera eru sömu svikin við fólkið í landinu. 

Það að gera almenning ábyrgan eru svik.  Sennilega hefur stjórnmálaelítan of mikið að fela til að vera fær um að verja hagsmuni landsins.

[Guðni Karl Harðarson, 11.2.2010 kl. 10:33]

Við almenningur verðum að vera algjörlega vakandi næstu daga og fylgjast mjög vel með hvað gerist!

[Guðni Karl Harðarson, 11.2.2010 kl. 12:13]

Þetta helst annars allt í hendur, Icesave málið ábyrgðin og aðrar bjarganir fjármálamanna án þess að taka svo fyrir alvöru á vanda heimilanna og skuldastöðurnar. Tildæmis þeirra sem eru að missa húnsæðin ofan af sér.

Allt þetta helst í hendur og er uppsafnað. Það endar bara með því að við segjum HINGAÐ OG EKKI LENGRA!

Spurningin er bara hvernig við förum að því eða hvernig við neyðumst til að fara að því!