Rétturinn til að kjósa?

Ef réttur almennings verður tekinn af að fá að kjósa um Icesave þá verður allt vitlaust hér á landi og ég er nær fullviss að þá verði hreinlega bylting. 

Forsetinn gaf okkur þennan rétt. Hann verður ekki tekinn af okkur! Því munu engvar samningarviðræður geta hafist fyrr en að þjóðin hefur ákveðið um núverandi lög Iceave.

Þetta mál allt saman er til vansa fyrir íslenska stjórnmálamenn. Það er ömurlegt að hægt sé fyrir tvær erlendar stórþjóðir að setja á byrgðar á alla íslensku þjóðina. Það er ömurlegt að íslenskir stjórnmálamenn séu svo vanhæfir að geta ekki varið íslenskan almenning sem tók ekki þátt í þessum bankagjörningi!

Íslenskir stjórnmálamenn hafa ekki varið almenning í þessu máli. Því skal almenningur fá tækifæri til að verja sjálfan sig! Það er ekki hægt að taka þennan rétt af almenningi!

*******

Smávegis annað um þetta:

1. Íslenskur banki með ótrúlega loforða vexti fer á hausinn erlendis í London og Amsterdam

2. Bretar setja hryðjuverkalög á Ísland

3. Bretar borga innistæðueigendum og Hollendingar að hluta án þess að gengið hafi verið frá samningum við Ísland um það á undan

4. Memorandum of understanding  Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.
Fjármálaráðherra Hollands, Wouter.J. Bos, og fjármálaráðherra Íslands, Árni M. Mathiesen tilkynntu þetta.

5. Samninganefnd fer í að gera samninga og kemur til baka með samninga sem ríkisstjórn Íslands samþykkir með sérstökum fyrirvörum sem Bretar og Hollendingar samþykktu ekki!

Athugið sérstaklega að þá að samninganefnd hafi komið til baka með samninga þá þurfa þeir samningar að verða samþykktir sem Lög á Íslandi sem Forseti samþykkir (og gerði). Málið er að Bretar og Hollendingar samþykktu ekki þessa samninga því þeir samþykktu ekki fyrirvarana!

6. Alþingi gengur þá í að búa til nýja samninga (þar sem nær öllum fyrirvörum var sleppt?!) því í reynd voru engvir samningar til (ath. að ef málið hefði verið klárt þá hefði ekki verið gengið í að gera nýjan samning og framhalds umræður á alþingi). (ath. líka að Forseti Íslands samþykkti fyrri- samning með fyrirvörunum og sennilega líka vegna fyrirvarana) Hvenær sem er í þessu ferli hafði íslenska ríkisstjórnin tækifæri til að breyta þessum samningi því var verið að ræða um málið á alþíngi.

7. Nú samþykkir Forseti ekki þau Lög sem alþingi og ríkisstjórn býr til og gefur þjóðinni tækifæri um að kjósa um málið.

*****

Þeir eru margir til sem segja að við eigum að standa við okkar skuldbindingar. Ég spyr á móti: Hvernig eiga þessar þjóðir að geta þvingað fram skuldbindingar með a. setja hryðjuverkalög b. borga innistæðueigendum án þess að samningar hafi verið kláraðir áður c. neita að samþykkja okkar lög (fyrirvaranir)

1. Hverjar eru þá skuldbindingarnar þegar að bakgrunnurinn var byggður af óheiðarleika og ókláruðum málum?

2. Eru einhver Lög sem eru samþykkt?

3. Voru skuldbindingar ekki háðar því að Lög væru til frá Alþingi um málið?

4. Eru ekki íslendingar ekki einmitt nú að velja um hvort það séu einhverjar skuldbindingar því engin samþykkt Lög eru til um málið?

Veltið þessu fyrir ykkur!

 

Kröfðust pólitískra sátta

Athugasemdir

[Elís Már Kjartansson, 9.2.2010 kl. 12:14]

Rétt hjá þér Guðni. Þetta óhæfa og snarklikkaða fólk þarf að fá sér góða pásu frá okkur þjóðinni. Þetta fólk er stórhættulegt lýðræði Íslands vegna virðingarleysis við það. Við verðum að fá að kjósa annað er ekki ásættanlegt.

[Guðni Karl Harðarson, 10.2.2010 kl. 10:28]

Þakka þér innlitið Elís. Það fer að líða að því að almenningur tekur málin í sínar hendur! Fyrr mun ekki komast friður hér á Íslandi. 

Það er búið að ganga svo mikið á og ekkert lát á neinum fréttum um hrunið og nú þessar bjarganir fyrir þessa fjárglæframenn alla saman.

Þetta endar ekki öðruvísi nema með að almenningur tekur málin í sínar hendur!

Kv. Guðni